.png)
Ogow, qof walba wuxuu helaa intuu naftiisa dirqiyo. Dadka intooda badan maanta waxay la tacaalayaan waxyaabo ay la yaabi lahaayeen haddii la weydiiyo inay mudan yihiin in laga welwelo. Sababta ugu weyn ee qofku u joogsado waa cabsida.
Haddii cabsidu jirilahayn, dadkoo dhan horay ayay u socon lahaayeen. Cabsidu waa caqabadaha kaliya ee qofka ka hor istaaga inuu gaaro hadafkiisa, mid gaaban iyo mid dheerba. Haddii aad si qoto dheer ugu fiirsato, cabsidu badanaa kama timaado gudaha qofka ee waxay ka dhalataa caqabadaha dibadda uga imanaya—inta badan waa dadka ku xeeran, jawiga aad ku jirto, iyo waaya-aragnimada nololeed ee aad la kulantay.
Xagee Ayay Cabsidu Ka Timaadaa?
1. Dib u dhigista hawlaha muhiimka ah – Marka aad wax badan dib u dhigto, maskaxdaadu waxay bilaabaysaa inay abuurto shakiyo iyo walwal.
2. Is-dhaleeceynta xad-dhaafka ah – Qofka oo naftiisa ku yiraahda "Ma awoodo," "Waan ku guul darreysan doonaa," ama "Anigu ma ihi qof guuleysta."
3. Cabsi laga qabo fashilka – Dad badan waxay ka baqaan in haddii ay isku dayaan wax cusub oo ay ku guuldarreystaan, dadku u arki doonaan ku liita.
4. Diidmada isbeddelka – Isbeddelku wuxuu la yimaadaa xanuun, mararka qaarna qofku wuxuu door bidaa raaxada xaaladiisa hada jirta, xitaa haddii ay xun tahay.
Waxaa suurtagal ah inaad la kulantay qof laga sugayo inuu shaqo dhameeyo ama wax qabto, balse uu dib u dhigo illaa xaaladdu ku noqoto mid xanuun badan. Waxa uu leeyahay laba doorasho:Inuu horay usocdo oo uu isku dayo xitaa haddii uu fashilmo, maxaa yeelay, marka uu dadaal sameeyo, wuxuu ka baranayaa waddooyin cusub. Ama inuu is dhiibo oo uu sugo nasiib iyo wakhtiga saxda ah, taasoo aan marnaba imaan doonin.
Sidee Looga Gudbi Karaa Cabsida?
1. Cabsida Aqoonso – Faham in cabsidu ay tahay maskaxdaada oo isku dayaysa inay kaa ilaaliso wax aan la hubin. Laakiin xaqiiqadu waa in wax walba la tijaabin karo.
2. Tallaabo Qaad – Haddii aad sugto illaa aad dareento diyaar garow buuxa, malaha marnaba ma bilaabi doontid. Tallaabo yar qaado, xitaa haddii ay tahay mid khalad ah.
3. Ka Faa’iidayso Fashilka – Fashilku ma ahan caddayn inaad guuldarreysatay; waa cashar kuu horseedi kara guul mustaqbalka ah.
4. Naftaada Ku Kalsoonow – Xasuuso in qof walba uu bilaabay isagoo aan khibrad lahayn. Kalsoonidaadu waxay kobcaysaa marka aad wax isku daydo.
Xasuusnow:
Noloshu waa jaranjar aad si tartiib tartiib ah kor ugu socoto. Ha isku dayin inaad booddo, hana u oggolaan cabsida inay kaa hor istaagto. Cabsidu waa dhalanteed—haddii aad wajahdo, waad isfahmaysaan. Hadaad naftaada aad qancinwaydo shaqo wayn ayaa kusugaysa.
Waxaan kaaga mahadcelinayaa waqtigaaga aad u hurtay akhrinta qormadan. Haddii aad halkan soo gaartay, waxay muujinaysaa inaad diyaar u tahay inaad la tacaasho caqabadaha naftaada hor taagan. Xasuuso, cabsidu waa dhalanteed, guushana waxay ku jirtaa inaad u dhaqaaqdo xagga hore inkasta oo aad dareemayso cabsi.Ha ka baqin inaad naftaada riixdo, hana u oggolaan shaki iyo dib u dhac inay kaa hor istaagaan. Hadaf kasta oo aad leedahay waa la gaari karaa, haddii aad bilowdo oo aad si joogto ah ugu dadaasho.Mahadsanid, hana iloobin—wax walba oo aad raadiso, waad heshaa
